Peshëngritja i sjell Shqipërisë një tjetër triumf. Daniel Godelli është shpallur kampion i Europës në turneun që po zhvillohet në Split të Kroacisë.
25-vjeçari triumfoi në stilin e shkëputjes në kategorinë -77 kg, ku garonte edhe Erkand Qerimaj.
Godelli në fakt e nisi keq garën, pasi gaboi në dy provat e para me 156 dhe 158 kg, por ia doli në përpjekjen vendimtare me 161 kg.
Kurse ecuria e Qerimajt qe krejt e ndryshme, pasi shkodrani e kaloi me sukses provën e parë me 155 kg, por dështoi në dy të tjerat me 158 kg.
Më herët sot Briken Calja ka marrë medaljen e broztë.
Shfaq Komentet (0)
